Psa 20 | VulgJ | STEP | in finem psalmus David victori canticum David

Psalms 20

1 in finem psalmus David ^va 2 Domine in virtute tua laetabitur rex et super salutare tuum exultabit vehementer ^va 3 desiderium animae eius tribuisti ei et voluntate labiorum eius non fraudasti eum diapsalma ^va 4 quoniam praevenisti eum in benedictionibus dulcedinis posuisti in capite eius coronam de lapide pretioso ^va 5 vitam petiit a te et tribuisti ei longitudinem dierum in saeculum et in saeculum saeculi ^va 6 magna gloria eius in salutari tuo gloriam et magnum decorem inpones super eum ^va 7 quoniam dabis eum benedictionem in saeculum saeculi laetificabis eum in gaudio cum vultu tuo ^va 8 quoniam rex sperat in Domino et in misericordia Altissimi non commovebitur ^va 9 inveniatur manus tua omnibus inimicis tuis dextera tua inveniat omnes qui te oderunt ^va 10 pones eos ut clibanum ignis in tempore vultus tui Dominus in ira sua conturbabit eos et devorabit eos ignis ^va 11 fructum eorum de terra perdes et semen eorum a filiis hominum ^va 12 quoniam declinaverunt in te mala cogitaverunt consilia quae non potuerunt stabilire ^va 13 quoniam pones eos dorsum in reliquis tuis praeparabis vultum eorum ^va 14 exaltare Domine in virtute tua cantabimus et psallemus virtutes tuas

^va